 |
|
 |
-
Гэты нумар часопіса пачынаецца ўрыўкам з кнігі «Патрабавальны Папа» польскага святара і публіцыста кс. Робэрта Скшыпчака, якая была выдадзена да гадавіны адыходу Папы Бэнэдыкта XVI у вечнасць.
-
Увазе беларускіх чытачоў прапануецца арт. польскага дамініканіна Паўла Крупы ОР «Інквізіцыя. Паміж міфам і праўдаю» (пераклад з польскай мовы Ю. Шэдзько).
-
Рэстаўратар І. Сурмачэўскі ў арт. «Вялікае італьянскае падарожжа Яна Паца (1597–1598 гг.)» апавядае пра пілігрымку беларускай магнацкай кавалькады ў Вечны горад.
-
Літаратуразнаўца С. Чыгрын у эсэ «10 фактаў з жыцця экзарха Антона Неманцэвіча» распавядае пра цікавую асобу першага экзарха Беларускага Экзархату Грэка-каталіцкай Царквы, доктара тэалогіі і права, рэлігійнага і грамадска-культурнага дзеяча.
-
В. Барысенка ў арт. «З гісторыі цудадзейнага абраза Маці Божай з касцёла Унебаўзяцця Найсвяцейшай Панны Марыі ў Барысаве» піша пра адзін са шматлікіх цудадзейных абразоў у касцёлах Беларусі, культ якіх мае лакальны характар.
-
Кандыдат філалагічных навук І. Багдановіч у арт. «Паэт і святар Юзаф Маралёўскі» апавядае пра яшчэ адну выбітную постаць паэта-святара, чыя творчасць не знаёмая шырокаму колу чытачоў — тут жа друкуецца падборка вершаў паэта-святара.
-
Доктар філалагічных навук, прафесар Ж. Некрашэвіч-Кароткая ў літаратуразнаўчым даследаванні «Звярыныя гратэскі ў паэтычнай культуры славянаў…» цікава параўноўвае фальклорныя і літаратурныя тэксты, звязаныя з народнай абраднасцю і хрысціянствам.
-
У рубрыцы «На кніжнай паліцы» друкуецца водгук кс. д-ра Ю. Дразда «Яшчэ адно імя…» на кнігу кандыдата гістарычных навук Р. Зянюк «Ксёндз Юзаф Барадзюля», якая выйшла ў выдавецтве «Про Хрысто».
-
Мастацтвазнаўца Галіна Флікоп-Світа ў арт. «Іконы ў хаце беларусаў» апавядае пра рэгіянальныя і канфесійныя асаблівасці ўладкавання абразоў у інтэр’еры сялянскага жытла.
-
Вядучы навуковы супрацоўнік Нацыянальнага мастацкага музея Беларусі Л. Сысоева ў арт. «На Божую хвалу» піша пра творы сакральнага мастацтва Беларусі XVI–XIX стст.
-
У рубрыцы «Проза» змешчаны творы выдатнага беларускага паэта, эсэіста Л. Дранько-Майсюка.
-
Літаратуразнаўца А. Брусевіч у эсэ «Прастора, прыдатная для палётаў» піша пра новую кнігу паэзіі А. Данільчык «Час знешняй адсутнасці».
-
У рубрыцы «Паэзія» змешчаны вершы Э. Акуліна і вершы А. Дуброўскага-Сарочанкава.
-
Вядомы беларускі празаік У. Ягоўдзік у нарысе «Белая стужка дарогі» дзеліцца сваімі ўспамінамі пра народнага паэта Беларусі Ніла Гілевіча.
-
80-годдзю выдатнага беларускага мастака і мастацтвазнаўцы, этнографа і культуролага М. Раманюка прысвечана эсэ М. Купавы «Школа Міхася Раманюка».
-
Э. Дзвінская прапануе ўвазе чытачоў свае нататкі «У Доме-музеі Моцарта ў Вене», у якіх разважае пра плённае ўздзеянне музыкі на духоўны стан чалавека.
|
|
